才能靠努力而非天生

美國加州大學R. Anders Ericssion教授研究成功人士與普通人嘅分別。無論運動上、音樂上、投資上、事業上，都發現才能（talent）並非天生，而係努力工作嘅結果。大部分人開始初期都好努力，然後逐漸慢下來，最後停止改進，只有小部分人勇往直前，最後達致成功！例如Bobby Fischer十六歲已棋藝驚人，被視為天才，理由係佢六歲開始便用心捉棋，每天捉棋八小時、連續九年不間斷。再研究二十歲小提琴演奏最出色者，原來已練習拉小提琴一萬小時，次出色者已練習七千五百小時，普通者只有五千小時。出色小提琴家所以出色，天才只佔極小部分，真正理由係佢每天拉小提琴時間較普通小提琴手多一倍。出色運動員必須有良好體質，呢點毫無疑問，但能否進軍奧運，90％理由係辛苦訓練。例如出色嘅高爾夫球手老虎活士十八個月大時，他父親便請高爾夫球教練訓練佢，十五年努力後，十八歲便成為美國高爾夫球冠軍！其後仍必須勤於練習，只要少練一星期，成績立即退步。